کوئٹہ۔ 18 اپریل (اے پی پی) وزیراعلیٰ بلوچستان جام کمال خان نا کوسٹل ہائی وے آ بس انامسافر آتے دہشت گردی نا شست کننگ نا واقعہ نا مذمت ءِ کرسا پارینے کہ لغور انگادہشت گرد آک بے گناہ کودک مسافرآتا خون ءِ کرسا بربریت آن گدرینگانو، امن نا دشمنک تینا پیشن نا آقاتا اشارہ غاتیا تینا ہی خلقت نا دتر تے وہیفنگ ءُ، بلوچستان نا الس پیشن نا عنصر آتا ایجنڈاغا عمل کروک آدہشت گرد آتے خار انا نظر اٹ ہریرہ۔ دہشت گردی نا واقعہ ملک ءِ بدنام کننگ و بلوچستان نا شونداری ءِ توننگ نا گندہ ءُ چم اسے، وزیراعلیٰ بلوچستان مستی پارے کہ شونداری و امن نا سفر ہر حال اٹ برجاسلک۔ صوبہ نا الس نا تائید و مخ تفی آن دہشت گردی ءِ چٹفنگک و دہشت گرد آتے اوفتے اوفتا کروک نا سزاتننگ نا عمل برجاسلک۔ وزیراعلیٰ بلوچستان زہمی خاہوت آتون ہڑزخواہی و ہمدردی کرے۔
