کوئٹہ۔ 18 اپریل (اے پی پی) بلوچستان نا علاقہ اورماڑہ نا خڑک آ نادرست سلہہ بند بندغ آک مسافر بس آتیا شیف دڑفسا 14بندغ آسم کاری کرسا تپاخت کریر۔ پولیس نا رداٹ چارشنبے و پنچ شنبے نا نیامی نن اورماڑہ آن 35کلومیٹر مر نادرست سلہہ بند بندغ آک مسافر بس آتے تورسا اوفتے ٹی سوار بندغ آتا شناختی کارڈ آتے چیک کننگ آن پد 14مسافر آتے شیف دڑفسا اوفتا دوتے تفسا اوفتے تپاخت کریر و موقع غان نرار۔ واقعہ نا حوال ملنگ تون پولیس و سیکورٹی فورس آتا بھلو نفری اس موقع غا سرمس لاش آتے دمدستی وڑاٹ ہسپتال آ مون تننگا دمدستی وڑاٹ تپاخت کروک آ تا درستی راستی مننگ کتنے۔ پولیس و سیکورٹی فورس آک علاقہ ءِ گھیڑ اٹی ہلسا نادرست دہشت گرد آتا پٹنگ نا بناءِ کرینو۔
