اسلام آباد۔17اپریل (اے پی پی) صدر ڈاکٹر عارف علوی ءَ گشتگ کہ انسانی وسائلءِ دیمروئی ءِ ہوالگءَ دربرجاہ بازیں کردے پیلو کنگ ءَ اَنت کہ ایشاں چہ ملک ءِ سماجی ءُ اقتصادی دیمروئی ءَ کمک رسیت۔ آئیءَ اے گپ چارشمبے ءِ روچءَ ایوان صدرءَ شاہ دربرجاہ آنی وائس چانسلرز/سروکانی دیوانءِ سروکی کنانءَ کتگ ۔ صدرءَ دربرجاہ آں پنتءُ شون کتگ کہ نودبراں جوانیں زانتءُ سرپدی دیئگ بہ بیت تنکہ وانگءُ زانگءَ ابید آہانی کیریئرکونسلنگ ، داخلہ آنی ہوالگءَ زانت ءُ سرپدی بہ بیت۔ صدرءَ وانگءُ زانگی زانشت ءُ پٹءُ پول ءُ اُلسی پالیسی ءِ عمل ءِ نیامءَ سیادی ودی کنگءِ ارزشتءَ را پدر کتگ۔ آئیءَ گشتگ کہ پاکستان ءِ صنعت بے دربرجاہ آنی ہوار کنگءَ دیمروئی کُت نہ کنت۔ دیوانءَ وانگءُ زانگءِ بنجاہی وزیر شفقت محمود ءُ چیئرمین ایچ ای سی ڈاکٹر طارق بنوری ہم ساڑی بوتگ اَنت۔
