اسلام آباد۔ 4مئی ( اے پی پی) صدر مملکت ممنون حسین ئَ گشتگ انت کہ بد عنوانی چشیں مسئلہ ئَ پاکستان ئَ باز تاوان رستگ انت پدا ہم نوں ھالت بدل بوتگ انت، زندے ئِ ہر شعبہ ئَ تعلق داریں مردم دیانتداری ئِ گوں وتی ذمہ واری دئیگ بیت گڑا ھچ وجہ نیست کہ ماں دیما شت مہ کنت۔ ھستیں حکومت درست نیمگ ئَ روان انت تاجر ئُُ صنعت کار آنی ھواری ئَ ہر مردم ئَ سی پیک ئُُ دومی مزنیں منصوبہ ئِ سرجمی ئِ گوں دئیگ لوٹیت۔ پاکستان یک پر امن ملک انت ئُُ ہمساھگ ملک آنی ھواری ئَ درستیں دگنیا ئِ گوں بروبری ئِ بنیات ئِ سرا شریں تعلق ئِ واہشت ھاست انت۔ آ بنجاہی ایوان ہائے صنعت ئُُ واپاری پاکستان ئِ چار می اچیومنٹ ایوارڈ ئِ دیوانئَ تران کنگ ئَ ات۔ صدر مملکت ئَ گشتگ کہ نوں معیشت ئَ سیاست ئِ سرا برتری ھست انت۔ کجام ملک ئِ معیشت سوگو بیت اودا سیاست ہم شر بیت۔ اے ھوالہ ئَ چین ئِ مثال مئے دیما انت۔ صدر مملکت ئَ گشتگ کہ پاکستان معیشت شریں نیمگ ئَ روان انت ئُُ ملک ئِ درستیں مزنیں اقتصادی اشاریہ شریں آسر گندگ بوھگ ئَ انت۔ پاکستان ئَ گوست ئَ بوﺅکیں بد عنوانی ئُُ بد انتظامی ئَ باز تاوان بوتگ انت بلے نوں ھالت بدل بوتگ انت ئُُ درست نیمگ ئَ کار کنگ ئَ انت۔ حکومت سی پیک ئِ گوں ھواری ئَ توانائی ئُُ انفراسٹرکچر ئِ مزن مزنیں منصوبہ ئِ سرا کار کنگ ئَ انت آھانی سرجمی ئَ پاکستان خطہ ئِ ھاس تریں ملک جوڑ بیت۔ آئی ئَ گشتگ کہ ہر مردم ئَ اے کار ئَ حکومت ئِ گوں کمک کنگ لوٹیت ئُُ کوشست کنگ لوٹیت کہ اے منصوبہ ئِ راہ ئَ ھچ رکاوٹ مہ بیت۔ صدر مملکت ئَ گشتگ کہ پاکستان بھارت ئِ ھواری ئَ درستیں ملک آں گوں بروبر ئِ بنیات ئَ شریں تعلق ئِ واہشت داریت ئُُ اے گپ ئِ سرا پختہ یقین داریت کہ مقبوضہ جموں ئُُ کشمیر ئِ مسئلہ ئَ یک جاور ہم یل دئیگ نہ بیت۔ آئی ئَ گشتگ کہ بھارت ئِ گوں کجام وھد ہم گپ ئُُ تران بوتگ گڑا پاکستان ئَ ہر وھد ئَ کشمیر ئِ مسئلہ زرتگ انت۔ آئی ئَ گشتگ کہ پر امن اوگانستان پاکستان ئِ مفاد ئَ انت کہ اوگانستان ئِ حکومت ئُُ اوگان طالبان آنی نیام ئَ گپ ئُُ تران ئِ ھوالہ ئَ دو سے ماہ ئَ شریں پیشرفت بیت۔
