اسلام آباد ۔ 17 اپریل (اے پی پی) کابینہءِ اقتصادی رابطہ کمیٹی (ای سی سی)ءَ یوٹیلٹی سٹورز کارپوریشن ءَ را کڈنی دات کہ رمضان المبارک ءِ تہ مردماں را وھد ءِ سرا رلیف پھجارگ ءِ ھاترا وردنی چیز انی بہا زورگ ءِ کار ترند کنگ بیت وھدیکہ وزارت ھزانگ ءُُ نیشنل بنک آف پاکستان اے ھوالہ کارپوریشن ءَ را گیشاں گیش آسراتی ءَ پھجارایت۔ ای سی سی ءِ دیوان چار شمبے ءَ ھزانگ وزیر اسد عمر ءِ سروکی ءَ بوتگ۔ کمیٹی ءَ لہتیں وزارتانی ءُُ ڈویژنانی صلاح ءِ چار ءُُ تپاس کتگ۔دیوان ءِ تہ پژمو ءُُ تکنیکی ضمنی گرانٹس ءِ ھاترا وزارتانی ءُُ ڈویژنانی لہتیں لوٹ ءِ سرا چار ءُُ بچارکنان ءَ منظوری داتگ۔ صنعت و پیداوار ڈویژن ءَ رمضان پیکیج ءِ سرا کمیٹی ءَ بریفنگ داتگ۔ کمیٹی ءَ یوٹیلٹی سٹورز کارپوریشنءَ را کڈنی دات کہ وردنی چیزانی بہازروگ ءَ را ترند کنگ بیت تنکہ ماہ صیام ءِ تہ مردماں را آسراتی پھجارگ بیت۔ ای سی سی ءَ رمضان پیکیج ءِ سرا وڈ ءُُ پیم ءِ نگہوانی ءِ ھاترا بنجاہی وزیر ریلوے شیخ رشید احمد ءِ سروکی ءَ چار باسکی کمیٹی جوڈ کتگ۔ کمیٹی ءَ وزارت خزانہ ءُُ نیشنل بینک آف پاکستان ءَ را اے ھوالہ یوٹیلٹی سٹورز کارپوریشن ءَ را گیشاں گیش آسراتی پھجارگ ءِ کڈنی داتگ۔
