اسلام آباد۔ 17 اپریل (اے پی پی) وزیراعظم عمران خان نیزگاری نا چٹفنگ نا پروگرام ’’احساس‘‘ ءِ ساڑی حکومت نا فلیگ شپ اس گوندسا پارینے کہ دا نیزگاری نا چٹفنگ کن جامع پروگرام اسے، حکومت غٹ پروگرام تیٹی پورو شفافیت ءِ المی کننگ نا خواہندار ءِ ۔ اوداہیت ءِ چارشنبے نادے آ’’احساس پروگرام‘‘ آ عملدرآمد نا بابت مروک آ پیش رفت نا جاچ دیوان نا کماشی ءِ کرسا پارے۔ وزیراعظم چوری ، مسکین آتے کن رکھ ، کفالت، ہاؤسنگ ، نیوٹریشن ، ضلعی شونداری پورٹلز ، روزگار تون اوار احساس پروگرام نا چندی پالیسی گام گیج آتیا عملدرآمد کن نظام الاوقات نا جاچ ءِ ہلک۔ وزیراعظم پارے کہ ’’احساس‘‘ ساڑی حکومت نا فلیگ شپ پروگرام ءِ و دانا مسخت نیزگاری نا چٹفنگ نا ویل اتون جوان وڑاٹ مون تننگ نا ءِ۔ اوپارے کہ حکومت بیت المال تون اوار غٹ پروگرام تیٹی پورو شفافیت ءِ المی کننگ نا خواہندار ءِ تانکہ صوابدیدی عنصر ءِ چٹفنگے۔
