اسلام آباد۔ 17اپریل (اے پی پی) وزیر خارجہ مخدوم شاہ محمود قریشی تون پوسکن آ سیکرٹری خارجہ سہیل محمود چارشنبے نادے آ داڑے وزارت خارجہ ٹی اوڑدہی کرے۔ اوڑدہی ٹی خارجہ پالیسی نا چندی پلو آتیا گپ و تران کننگا۔ اوڑدہی ٹی وزیر خارجہ شاہ محمود قریشی پارے کہ سہیل محمود بے کچ آزموندہ کار و جوان ءُ سفارتکار اسے۔ سہیل محمود بھارت اٹی ہائی کمشنر تون اوار اہم زمواری تے پورو کننگ نا بھلو تجربہ اس تخک۔ اوپارے کہ سہیل محمود نا بطور سیکرٹری خارجہ تعیناتی ستاکڑزک۔ داوخت آ سیکرٹری خارجہ سہیل محمود پارے کہ پاکستان نا گچین فائدہ غاتے ٹی تینا زمواری تے جوان وڑاٹ پورو کننگ اٹ پبی کوشست کیوہ۔
