اسلام آباد۔ 17 اپریل (اے پی پی) اسپیکر قومی اسمبلی اسد قیصر پارینے کہ میڈیا ریاست نا چارمیکو تمبہ ءِ، سوگو ءُ حکومت اسے کن میڈیا نا طاقتور مننگ المی ءِ ، داخیال آتا درشانی ءِ او چارشنبے نادے آ پارلیمنٹری رپورٹرز ایسوسی ایشن نا گچین کاری عمل نا معائنہ ءِ کننگ نا وخت آ کرے۔ اوگچین کاری تیٹی بشخ ہلوک آ صحافی تتون گپ و تران کرسا گچین کاری عمل ءِ خوش آئند گوندا و باوری کرفے کہ پارلیمنٹ نا کوریج ءِ کروک آ صحافی تا آسراتی کن انتس کہ المی مس کننگک۔ اوپارے کہ کنا درگہ غاک مدام ملوک ءُ میڈیا پاکستان نا سوگوی نا ضمانت ءِ۔ اسپیکر قومی اسمبلی پارے کہ میڈیا حکومت کن شیشہ نا کڑدءِ ادا کیک و ای سمجھیوہ کہ زموارانہ صحافت نا مسخت سُچائی ءِ مون آ اتنگ نا ءِ و خرابی تا پیدواریءِ کننگ ناءِ۔ اوپارے کہ صحافی تا ویل آتے ایسر و اوفتے پوسکن آ خواست آتارداٹ آسراتی تا فراوانی کن ہروڑگام گیج کننگک۔ اوپارے کہ آندھی و طوفان بادوباراں نا سوب نسخان آتیا است ہسونی نا درشانی ءِ کرسادعا کرے کہ اللہ تعالیٰ ننا حفاظت ءِ کے۔
