چائنہ پاکستان اکنامک کوریڈور ہڑتوم آ ملک آتا نیام اٹ اسیجا شونداری ناعملیءُ شاہدی اسے
اسلام آباد۔ 17 اپریل (اے پی پی) ڈپٹی چیئرمین سینیٹ سلیم مانڈوی والا پارینے کہ چائنہ پاکستان اکنامک کوریڈور ہڑتوم آ ملک آتا نیام اٹ اسیجا شونداری نا عملی ءُ شاہدی اسے ، سی پیک سلک روڈ و بیست ءُ یک می صدی نا میری ٹائم سلک روڈ انا رابطہ کن اہم ءُ کڑد اس ادا کیک، پاکستان سی پیک ڈٹ آتا وخت آ پوروی کن پرعزم ءِ۔ داخیال آتا درشانی ءِ او بیلٹ اینڈ روڈ ڈٹ انا سالانہ دود آن تران کرسا کرے۔ تران اٹی او پارے کہ غٹ زرکارآتے خصوصی اقتصادی زون تیٹی زرکاری نا سلہ خلینہ۔ چین دنیا نا مون آ بروک آ معیشت ءِ۔ اوپارے کہ چین بیست ءُ یک می صدی ٹی ایشیا ء نا بالادستی کن تینا کڑد ءِ ادا کننگ کیک۔ چین وپاکستان نا نیام اٹ پارلیمانی ڈل آتا ہن و بر بے کچ المی ءِ۔ سلیم مانڈوی والا پارے کہ ہڑتوم آ ملک آتے اسہ ایلو آن ہیل کننگ نا موقع ملک۔ ہڑتوم آ کنڈآتا واپار ہڑتوم آملک آتا نیام اٹ بے کچ اہم ءِ۔ اوپارے کہ ہڑتوم آ ملک آتے دا اہم انگا معاملہ غا سرجوڑ نے نا گرج ءِ۔ ہڑتوم آکنڈآتا واپاری کچ اسٹریٹجک تعلقداری تا عکاس اف، ہڑتوم آ ملک آتے مون آبرسا واپاری نسخان آتے توننگ کن گام گیج کروئی مریک۔
