اسلام آباد۔ 16اپریل (اے پی پی) سینیٹ اٹی ڈپٹی چیئرمین سلیم مانڈوی والا پارینے کہ پاکستان چین اتون ہڑتوم آکنڈآتا واپاری و سیاسی تعلقداری تے پین سوگو کننگ نا خواہندار ءِ۔ داخیال آتا درشانی ءِ او چین نا دارالحکومت بیجنگ اٹی وائس چیئرمین چائنا کمیونسٹ پارٹی (سی پی سی سی) گاؤیانلونگ تون اوڑدہی ٹی کرے۔ ڈپٹی چیئرمین تون اوار سینیٹ نا مسہ باسکی ڈل ہرافتے ٹی سینیٹر عبدالقیوم ، سینیٹر سسی پلیجو و سینیٹر لیاقت خان ترکئی اوارو ، ہم ساڑی ئسر۔ داوخت آ ڈپٹی چیئرمین سینیٹ پاک چائنہ ہڑتوم آ کنڈآتا تعلقداری تے سوگو کننگ آ امنا کرسا گام گیج چست کننگ نا عزم انا درشانیءِ کرے۔ وائس چیئرمین سی پی سی سی گاویا نلونگ سینیٹ ڈل انا شرف اٹی اِرغ اس تس، پاکستانی سفیر خالد مسعود ہم داوخت آ ساڑی ئس۔
