کوئٹہ۔ 16اپریل (اے پی پی) صدر مملکت ڈاکٹر عارف علوی دہشت گردی نا برخلاف جاری جنگ اٹی سیکورٹی فورس آتا دلیری و جیرت ءِ خراج تحسین پیش کرسا سانحہ ہزارگنجی ٹی ٹھپی مروک آ ایف سی کارندہ غاتا زوت جان جوڑی کن نیک است خواہی تا درشانی ءِ کرے، سرجم حوال آتارداٹ صدر مملکت ڈاکٹر عارف علوی سے شنبے نادے آ وزیراعلیٰ بلوچستان جام کمال خان، گورنر بلوچستان امان اللہ خان یاسین زئی ، صوبائی وزیر جان جوڑی میر نصیب اللہ مری، وزیراعلیٰ نا سلاہکار ثانوی تعلیم حاجی محمد خان لہڑی تون اوار ایف سی ہسپتال کوئٹہ غا ہنسا سانحہ ہزارگنجی ٹی ٹھپی مروک آ ایف سی کارندہ غاتا جان پڑسی ءِ کرے و سانحہ ٹی ٹھپی مروک آ زیر علاج ایف سی کارندہ غاتا زوت جان جوڑی کن دعا کرسا دہشت گردی نا برخلاف پبی کارروائی تیا اوفتے خراج تحسین پیش کرے ۔
