کوئٹہ۔ 16اپریل (اے پی پی) صدر مملکت ڈاکٹر عارف علوی پارینے کہ الس ءِ باور کرفینے کہ نیشنل ایکشن پلان آ من و عن اٹ عمل کرسا ہر باتی نا حق انا رکھ ءِ کننگک، سانحہ ہزارگنجی کون آ واقعہ غاتیان پد ہم الس نا یکجہتی دشمن نا چم ءِ بے سہب کرینے، پاکستان نا آئین ہر باتی نا رکھ انا ضمانت ءِ ایتک، داخیال آتا درشانی ءِ او امام بارگاہ ولی عصر آ سانحہ ہزارگنجی نا شہید آتا خاہوت آتون ہڑزخواہی کرسا کرے۔ داوخت آ گورنر بلوچستان جسٹس (ر) امان اللہ یاسین زئی ، وزیراعلیٰ بلوچستان جام کمال خان و صوبائی وزیر آک اوڑتون اوار ئسر، صدر مملکت ڈاکٹر عارف علوی پارے کہ پاکستان نا برخلاف چم آتے کننگ انگ ءِ ولے اللہ نا شکر ءِ کہ داخہ قربانی تیان پد ہم الس اٹی ہچ ءُ پرخ اس ودی متنے، شہید آتا خاہوت تون ہڑزخواہی کن کوئٹہ غا بسونٹ، کنے بے چینی ئس کہ الس نا جان و مال انا رکھ حکومت نا زمواری ءِ، ہزارہ برادری تون پیش بروک آ دا سانحہ غا جندی وڑاٹ تکلیف مسنے ولے ہر ممکن کوشست کننگک کہ نیشنل ایکشن پلان آ من و عن عمل کرسا شاری تا رکھ ءِ المی جوڑ کننگ مرے، اوپارے کہ شہید آتا خاہوت آتا دا ملک آ دا ملک آ دا قربانیک اسہ احسان و اوفتا نعمل البدل مننگ کپک۔
