صدر مملکت ڈاکٹر عارف علوی نا گورنر بلوچستان امان اللہ خان یاسین زئی و وزیراعلیٰ بلوچستان میر جام کمال خان تون اوڑدہی

کوئٹہ۔ 16اپریل (اے پی پی) صدر مملکت ڈاکٹر عارف علوی گورنر بلوچستان امان اللہ خان یاسین زئی و وزیراعلیٰ بلوچستان جام کمال خان تون گورنر ہاؤس کوئٹہ ٹی اوڑدہی کرے، صوبہ ٹی سیکورٹی حالیت آتون اوار ایلو معاملہ غاتیا گپ و تران کننگا۔ صدر مملکت ڈاکٹر عارف علوی پارے کہ امن و ایمنی کن ہچ ءُ سمجھوتہ اس کننگپک، صدر مملکت ڈاکٹر عارف علوی پارے کہ امن ملک و قوم انا گرج ءِ بلوچستان اٹی امن و ایمنی کن بنجائی حکومت صوبائی حکومت تون تفوک ءِ ، اوپارے کہ دھرنہ نا پرامن ایسر است جمی نا سوب ءِ ملک دشمن عنصر آک پاکستان نا شونداری نا برخلاف چم کننگ ءُ اوفتا چم آتے بے سہب کننگک۔