اسلام آباد۔24 جنوری (اے پی پی)وزیرمملکت اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ عمران خان ئِ شپ ئُُ روچ بھتام بندگ ئَ گوزگ ئَ اَنت، مرچی ھم عمران خان آمید گس ئَ ڈن دروگ بندگ ئَ اَتکگ، عمران خان ئِ پٹیشن ئِ تہ ئَ مریم نواز ئِ اِچ جاھ ئَ زکر نیست، بھتام بندگ ئُُ دسبندی کنگ عمران خان ئِ آدت جوڑ بوتگ، الیکشن کمیشن ئَ پد شاھ آمید گس ئَ ھم عمران خان دستبندی کنت۔ سئے شمبے ئِ روچ ئَ اِدا ھال رسانکی در آں گوں تران کنان ئَ مریم اورنگزیب ئَ گوشت کہ عمران خان ئَ سہب ئُُ بیگاہ ئَ دروگ بستگ ، بھتام بستگ، مریم نواز ئَ را بدنام کنگ ئِ جہد کتگ ئُُ مئے جم کتگیں کاگد آنی سر ئَ اِچ پسوئی کاگد جم نہ کتگ۔ آئی ئَ گوشت کہ آ عمران خان ئَ را مبارکی دنت کہ ملتان ئَ مزن وزیر ئَ میٹرو بس سروس بنگیج کتگ، مزن وزیر محمد نواز شریف پاکستان ئَ را دیمروئی دیگ ئِ تگ ئُُ تاچ ئَ اِنت وھدیکہ عمران خان پانامہ لیکس ئِ نام ئِ سر ئَ سیاست کنگ ئَ اِنت۔ وزیر ئِ مملکت ئَ گوشت کہ عمران خان ئَ خیبر پختونخوا ئِ کرد ئَ را پیش داشتگ ئُُ نہ پیش داشت کنت۔ چیا کہ آئی ئِ تہ ئَ کرد ئِ پیش دارگ ئِ اِزم نیست۔ وزیر ئِ مملکت ئَ گوشت کہ عمران خان ئَ آمید گس ئَ گوشداری ھلاس بوھگ ئَ 15ملنٹ پیسر ئَ شاھ آمید گس ئِ ڈن ئَ اتکگ ئُُ دروگ بُرگ بندات شروھ کتگ، چیا کہ آئی ئِ آدت اِنت، آئی ئَ ھما گپ کتگ اَنت ڈن کہ آ گپ آنی اوستو ئِ شاھ آمید گس ئَ نہ کتگ اَنت۔ عمران خان سُہب ئَ بگر تاں بیگاھ ئَ مریم نواز ئِ نام ئَ بے سر ئُُ بے پادیں گپ گوشیت، بر ئِ کنٹینر ئِ سر ئَ اوشتیت ئُُ بر ئِ دگ آنی سر ئَ ھڑتال کنت ئُُ بھتام بندیت۔ وھد ئِ مریم نواز شریف ئِ وکیل ئَ وتی دلیل بندات کُٹ اَنت گڈا توامیں ٹی وی ئِ نیوز چینل آنی سکرین ئِ سر ئَ پٹی تتک کہ عمران خان صاحب ئِ جم کتگیں پٹیشن ئَ مریم نواز شریف ئِ تران نیست، ھمے پیم ئَ مریم نواز شریف ئِ اِچ کسہو نیست چیا کہ آئی کِرا مریم نواز شریف ئِ ھلاپ ئَ اِچ وڑیں کاگد ئُُ دپتر نیست کہ آ مئے جم کتگیں کاگد ئُُ دپتر آناں رد ”چیلنج“ بکنت۔
