اسلام آباد ۔ 15 اپریل (اے پی پی) مزن وزیر عمران خان 21چہ22اپریل ءَ تاں ایران ءِ سرکاری تروتاب کن انت۔آہاں را اے تروتاب ءِ دعوت اسلامی جمہوریہ ایران ءِ صدر حسن روحانی ءَ داتگ ات۔مزن وزیر ءِ ایران ءِ اے اولی تروتاب بیت۔مزن وزیر تہران ءَ روان ءَ مشہد ءِ تہ گونڈوءِ اسٹے ھم کن انت۔دری معاملہانی کارگس ءِ نیمگا چہ جاڑی بیان ءِ ردا مزن وزیر ایران ءِ سپریم لیڈر سید علی خامنہ ای ءِ گوما گند ءُُ نند ءِ ھوار صدر حسن روحانی ءَ گوں گپ ءُُ تران کن انت۔مزن وزیر ءِ ھوار ھزانگ،انسانی حقانی،تیابی معاملہانی،بین الصوبائی رھوت ءِ وزیر،بیئپاری ءِ صلاحکار،ٹاسک فورس برائے توانائی،مزن وزیر ءِ کمکار برائے اوورسیز پاکستانیز ءِ ھوار مزن تکے ٹوھیں واکدار ساڑی بنت۔مزن وزیر ایران ءِ تہ ایرانی ءُُ پاکستانی بیئپاری براھندگی ءِ باسک ھم گند ءُُ نند کن انت۔پاکستان ءُُ ایران ءِ میان ءَ نزیکیں راج دپتری ءُُ ربیدگی رھوت ءُُ اُلسی تبک ءِ سرا مھکمیں سیادی انت۔پاکستان ءُُ ایران اقتصادی تعاون تنظیم(ای سی او) ءُُ اسلامی کمک تنظیم (او آئی سی) ءِ باسک ھم انت۔مزن وزیر ءِ تروتاب چہ دوئیں ملکانی دودیمی نزیکیں سیادی گیش مھکم بنت۔
