اسلام آباد۔ 24 جنوری (اے پی پی) صدر مملکت ممنون حسین ئَ گوشت کہ گوستگیں چیز ئِ وھد ئَ ٹوھیں منصوبگ آنی سر ئَ کار نہ بوتگ پمے ھاترا اُلس ئَ را الکاپیں رنگ ئے ئَ اُسراتی نہ رستگ ئُُ پاکستان دیمروئی ئِ کشک ئَ رھادگ اِنت، وانگ ئُُ زانگ ئِ جوانی ئُُ ایشرا نوکیں زمانگ ئِ رپک آنی تہ ئَ آرگ مئے راجی پرز اِنت۔ پاکستان ئِ وانگ ئُُ زانگ ئِ رپک ئَ را نوکیں زمانگ ئِ وڑ ئُُ پیم ئَ آرگ ئِ راجی مول ئُُ مراد آنی پیم ئَ کنگ بہ بنت۔ صدر ئِ مملکت ئَ اے گپ سئے شمبے ئَ علامہ اقبال اوپن یونیورسٹی ئَ انٹر بورڈ چیئرمین کمیٹی (آئی بی سی سی) ئِ چیر دستی ئَ ” پاکستان ئَ چکاس رنگ ئِ وڑ ئُُ پیم آنی بابت ئَ راجی کانفرس“ ئَ گشتانک دیان ئَ تران کنگ ئَ اَت۔ ایشی ئِ تہ ئَ بُنجاھی وزیر برائے بین الصوبائی رابطہ ریاض حسین پیرزادہ، سیکرٹری وزارت بین الصوبائی راجہ محمد نادر علی ،سیکرٹری ،انٹر بورڈ کمیٹی آف چیئرمین محمد رمضان اچکزئی ،وائس چانسلر علامہ اقبال اوپن یونیورسٹی ڈاکٹر شاہد صدیقی ئَ ابید دِگہ بازیں کلانئیں مہمان ساڑی اتنت۔ صدر ئِ مملکت ئَ گوشت کہ ھاٹیگ ئِ منصوبگ آنی سر ئَ کار گوں ترندی ئَ برجا اِنت ئُُ 2018ئَ تاں ھاٹیگ ئِ کمیگ ئَ را ھلاس کنگ بیت۔ اقتصادی راہداری ئِ نوکیں امیت پیداک کتگ اَنت۔
