اسلام آباد۔ 15اپریل (اے پی پی) بنجائی وزیر پٹرولیم غلام سرور خان دوشنبے نادے آ پنڈوری آئل فیلڈ انا دورہ ءِ کرے و آئل فیلڈ اٹی کاریم نا رفتار نا ستاءِ کرے۔ داوخت آ بنجائی وزیر ءِ پنڈوری آئل فیلڈ انا بابت حوال تننگا۔ اودے پاننگاکہ 1996ء ٹی پنڈوری آئل فیلڈ آن پیدوار نا بنامسوسس۔ داڑے بنداوی وڑاٹ 9 دُون تے ختنگاسس ولے داوخت آ 2دُون آن تیل و گیس انا پیدوار دوئی کننگ انگ ءِ ہرا بالترتیب 170 بیرل ہردے ئی و 0.57ملین مکعب فٹ ہردے ئی ءِ۔ پنڈوری۔ 10 انا ڈرلنگ نا بناجنوری 2019 ء ٹی مسوسس وخت اس کہ اونا خُتنگ دسمبر 2019 ء اسکان پورو مننگ نا گمان ءِ ۔
