ملتان۔14 اپریل (اے پی پی)دری کارانی بنجاہی وزیر شاہ محمود قریشی ءَ گوشت کہ مہ کوئٹہ وئیل ءِ باروا بھارت ءِ وڈ ءَ ابید پٹ ءُُ پول ءِ گپ مہ جنیں،اے وئیل ءِ سرا مارءَ تکانسری انت،تراک ءِ تہ معصوم ءِ مردم شہید بوتگ ات مہ ایشی ءِ ایراد جنئگ اوں،چارگی انت کہ اے ناشرکاری ءِ رندءَ بیمکاری انت یا ڈنی دست،اے ھیالانی درشان آہاں یک شمبے ءَ ملتان ءِ تہ شاہ رکن عالم کالونی ءِ تہ واٹر فلٹریشن پلانٹ ءِ بنگیجی ءِ پدا میڈیا ءَ گوں گپ ءُُ تران کنان ءَ کتگ ات۔آہاں گوشت کہ کوئٹہ وئیل ءِ سرا مارا پٹ ءُُ پول کنگی انت،ہزارہ کمیونٹی پاکستان ءِ ھاسیں بھر انت۔یک جستے پسو ءَ دری کارانی وزیر ءَ گوشت کہ بھارت ءِ تہ19مئی ءَ تاں گچینکاری بوھگ انت ہمہ وھد ءَ تاں پاکستان ءَ را محتاظ بوھگ ءِ ضلورت انت، مودیءِ باروا مزن وزیر عمران خان ءِ بیان ءَ را سیاق و سباق ءَ چہ ابید پیش کنگ بوتگ۔آہاں گوشت کہ بھارت ابید زمہ واریں بیان ءَ کنگ انت بلے پاکستان اے رنگ مہ کن ایت۔دری کارانی وزیر ءَ گوشت کہ مزن وزیر عمران خان 21اپریل ءَ ایران ءُُ 25اپریل ءَ چین ءِ تروتاب ءَ روانت۔
