اسلام آباد۔ 14 اپریل (اے پی پی) صدرمملکت ڈاکٹرعارف علوی ءَ گوشت کہ پاکستانءَ ایوکا ناشرکاری ءِ سوبمندی ءَ گوں مقابلہ کتگ ءُُ ناشرکاری ءِ ناسور ءَ را پروشت داتگ بلکہ اسلام ءُُ ناشرکاری ءِ ردیں پجار ءَ را ھم رد پدر کتگ۔ اسلام ءِ کلوھ ہمدردی ءُُ بروبری ءِ انت، پاکستانءَ اوگان باھوٹ ءَ را پناہ دات دگنیا ءَ را باور کنائینت کہ انسانیت چے بوھگ انت، حضور نبی کریم ءِ زندمئے ھاترا مشعل راہ انت ،شما سرجمیں امت ءِ ھاترا مہر ءُُ محبت اتے،کشمیر ءُُ فلسطین دوئیںیک روچ ءَ آزات بنت۔پرچہ کہ کجام کمیونٹی یا مذہب ءِ توار ءَ را تاگت ءِ وسیلگ ءَ جہل کنگ مہ بیت۔ منی دل فلسطین ءُُ کشمیر ءَ گوں ھواری ءَ دھڑکگ انت،دگنیا ءَ سرپد کنیں کہ فلسطین ءُُ کشمیر ءِ مہلوک ءِ سرا چے وڈ ءَ زلم ءُُ زوراکی کنگ بوھگ انت، پاکستان کشمیری براتانی سیاسی سفارتی ءُُ اخلاقی پلہ مرزی برجاہ داریت۔اے ھیالانی درشان صدر مملکت ڈاکٹر عارف علوی ءَ پاکستان علماء کونسل ءِ چیر دستی چارمی پیام اسلام کانفرنس ءِ شریدارں گوں تران کنان ءَ کتگ ات۔ صدر مملکتءَ گوشت کہ پاکستان ءَ 35لکھ اوگان باھوٹانی گہتریں مہمانداری کتگ ءُُ لہتیں ملک مصیبت جتگیں باھوٹانی ھاترا دیوال ءَ اوشتاتگ انت۔آہاں گوشت کہ اوگان باھوٹانی سیمی ءُُ چارمی پدریچ پاکستان ءِ تہ ساڑی انت۔آہاں گوشت کہ اسلام ءِ کلوھ ہمدردی ءُُ بروبری انت۔
