لاہور۔14 اپریل(اے پی پی ) ٹریڈ ڈویلپمنٹ اتھارٹی آف پاکستان ءِ چیردستی دومی انٹرنیشنل ٹیکسٹائل ایکسپو(ٹیکسپو) سرجم بوتگ‘ ایکسپو سنٹر لاہورءِ تہ جاڑی ’’ٹیکسپو‘‘ ءِ تہ50 چہ گیش ملکاں چہ 363درملکی بہازوروکاں بھر زوری کتگ وھدیکہ پاکستان چہ 231نماش کنوکاں وتی چیزانی اسٹال جتگ ات،درملکی بہازورکانی ءُُ پاکستانی بیئپارانی میان ءَ 5000 بی ٹو بی میٹنگز آنی برجمداری بوتگ، 600 ملین ڈالر ءِ معاہدہ ،درملکی بہازوروکانی ءُُ ھندی ایکسپورٹ ہاوسز ءَ گوں 10ایم او یوزءِ سرا دستخط بوتگ ات۔بنجاہی سیکرٹری سردار احمد نواز سکھیرا ءَ نماش ءِ سرجمی ءِ سرا میڈیا ءَ را سرپدی دیان ءَ گوشت کہ نماش ءِ تہ روس،بحرین ،امریکہ ،چین ،جاپان ،یوکے ،سعودی عرب ،ویت نام ،نائیجیریا ،فرانس ،نیدرلینڈ ،سپین ءِ ھوار 50ءَ چہ گیش ملکاں چہ کنٹری ڈلاں بھرزوراتگ۔
