اسلام آباد۔ 13 اپریل (اے پی پی)بنجاہی وزیر برائے ھزانگ اسد عمر ءَ گوشت کہ حکومت ملک ءِ اقتصادی بحالی ءُُ گیشتری ءِ تہ ودکی ھاتراجامع گاماں چست کنگ انت۔ اقتصادی تک ءِ تہ گہترکاری ءِ کار جاڑی انت ایشی ءِ شریں آسر دیما کااینت۔آہاں اے گپ واشنگٹن ءِ تہ پاکستان ءِ سفارتخانہ ءِ تہ پاکستانی نژاد امریکی بیئپاراں،صنعتکاراں ءُُ لہتیں تکانی زانتکاراں گوں تران کنان ءَ کتگ ات۔ھزانگ وزیر ءَ میاں اوستمانی بنک ءُُ میاں اوستمانی مالیاتی فنڈ(آئی ایم ایف) ءِ سالینی دیوان ءُُ اے درگت ءَ لہتیں گند ءُُ نند انی باروا سرپدی ھم داتگ۔آہاں پاکستانی نڑاد امریکی بیئپاراں،صنعتکاراں را ملک ءِ کلی معیشت (میکرو اکنامک) ءِ جاورھال ءِ باروا سرپد کتگ۔آہاں اے درگت ءَ پاکستان ءِ معیشت ءُُ حکومت ءِ باندات ءِ منصوبگانی باروا شریدارانی جستانی پسو ھم داتگ ات۔
