اسلام آباد۔ 13 اپریل (اے پی پی) دری کارانی بنجاہی وزیر شاہ محمود قریشی ءَ گوشت کہ پاکستان اوگانستان ءِ تہ امن ءُُ ایمنی ءِ ھاترا دراھیں کوشستانی پلہ مرزی کنگ انت۔ھپتگ ءَ یک ٹویٹ ءِ تہ دری کارانی وزیر ءَ گوشت کہ پاکستان اے گپے سرا سدکی دارگ انت کہ پرامنیں ءُُ گپ ءُُ تران ءِ وسیلگ ءَ گیش ءُُ گیواری اوگانستان ءِ تہ دیریگیں ءُُ پائیدار امن ءِ ایوکا حل انت۔آہاں گوشت کہ اوگان جیڈھ ءِ ہچ فوجی حل ممکن نیست ات ءُُ دراھیں فریقان امن ءِ کار ءِ سرجمیں وڈ ءَ پُرجزم بوھگ بیت۔دری کارانی وزیر ءَ گوشت کہ پاکستان ءَ ہمیشہ اوگانستان ءِ تہ امن ءِ ھاترا دراھیں کوشستانی پلہ مرزی کتگ ایشی ءِ تہ دراھیں اوگان شریک بنت۔
