پنڈدادنخان۔ 13 اپریل (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ پاکستان ءِ باندات روژن انت،پاکستان ءَ را دگنیا ءِ تاگت ورءِ ملک جوڈ کنیں،جمہوریت ءُُ اسلام ءَ را ہچ ھطرہ نیست ات،ھطرہ ایوکا کرپٹیں مردمان انت،فاٹا ءِ سرا دھ سالانی تہ یک ہزار ارب کلدار ھرچ کنیں،سعودی عرب ،یو اے ای ءُُ ایران عمران خان ءَ را مسلم امہ ءِ لیڈر سمجھگ انت،ملک ءِ تہ جہاں گول ءِ پراھی ءِ ھاترا ویزہ ءِ بندش ھلاس کتگ اتءُُ آسان تر کتگ ات۔ھپتگ ءَ پنڈدادنخان ءِ تہ دوستی سپورٹس فیسٹول ءَ گوں تران کنان ءَ ھالرسانی ءِ بنجاہی وزیر ءَ گوشت کہ لس گچینکاری ءِ پدا استیں حکومت ءَ ملک ءِ تہ پرامنیں چاگرد ءُُ سیاحت ءَ پراھی داتگ ات۔آہاں گوشت کہ کھیوڑہ سیاحت ءِ مزنیں بنجل انت۔درملکی جہاں گول ءَ را آرگ ءِ ھاترا مہ ویزہ پالیسی ءِ تہ بندش ھلاس ءُُ باز نرمی کتگ ات ءُُ ایشی ءَ را گیش آسان کنیں۔کوئٹہ وئیل ءِ باروا ھالرسانی ءِ وزیر ءَ گوشت کہ کوئٹہ ءِ تہ بیوکیں وئیل سرا باز گمیگ اوں،مہ ہزارہ براتری ءِ درد ءَ سمجھگ اوں،ایشانی درد مئے دلانی تہ انت،مہ یک ھاندان ءِ مردم اوں۔آہاں گوشت کہ ناشرکاری ءِ واکیہ سرجمیں دگنیا ءَ بوھگ انت ،ناشرکاری ءِ ھلاپ ءَ جنگ گڈی بھر ءَ انت، اپوزیشنءَ چہ گوشگ اوں کہ بیاایت ھواری ءَ ملٹری کوٹس ءِ پیسلہ ءَ کنوں۔آہاں گوشت کہ راجی ایکشن پلان ءِ سرا تپاکی ءَ گوں وڈ ءُُ پیم ءِ ضلورت انت،فاٹا ءِ ھوالہ ءَ گوں ھالرسانی ءِ وزیر ءَ گوشت کہ فاٹا ءِ مہلوک ءَ باز ترندی سگگ انت۔مزن وزیر ءَ آوکیں دھ سال ءِ تہ فاٹا ءِ تہ یک ارب ھرچ کنگ ءِ جار جتگ۔پنجاب ءُُ خیبر پختونخوا ءَ وتی بھر کاٹ کنان ءَ فاٹا ءَ را داتگ ات بلے سندھ ءِ وھد اتکگ تو پیپلز پارٹی ءَ فاٹا ءِ ھوالہ ءَ سوتیلی مات ءِ درشان کتگ۔آہاں گوشت کہ مہ بھٹو ءُُ بے نظیر ءِ پارٹی ءَ را چاریں صوبگانی زنجیر گوشگ ات بلے مروچی پیپلز پارٹی کسانیں گل بوتگ۔آہاں گوشت کہ بلاول بھٹو ءِ تہ وتی پت زرداری ءِ عکس ءَ نہ جنئگ انت۔ھالرسانی ءِ وزیر ءَ گوشت کہ 1947ءَ چہ2008تاں پاکستان ءِ مچ وام 37ارب ڈالر ات، وھدیکہ 10سال ءِ تہ 60ارب ڈالر وام گپتگ۔وھدیکہ مہ لٹ ءُُ پُل کتگیں مڈیانی باروا جست ءُُ پرس کنگ اوں تو گوشگ انت کہ جمہوریت ھطرہ تہ انت۔آہاں گوشت کہ جمہوریت ءُُ اسلام ءَ را ہچ ھطرہ نیست ات،خطرہ ایوکا کرپٹیں مردماں را انت۔پاکستان ءَ را انشاء4 اللہ روژن ءِ باندات دنت ءُُ پاکستان ءَ را دگنیا ءِ مھکمیں ملک جوڈ کنیں۔مزن وزیر عمران خان ءِ راھشونی ءَ پاکستان روژنیں باندانت ءِ نیمگا روگ انت۔ناشرکاری ءِ ھلاسی ءِ ھاترا اوگانستان ءِ تہ امن اژدری انت۔ایشی ءَ چہ پیسر ءَ ھالرسانی ءِ وزیر ءَ گوشت کہ یک ءُُ نیم کروڑ کلدار ءِ ھرچاں گوں للہ چہ پنڈادنخان ءِ شاھدگ ءِ جوڈ جاڑی ءِ کار آوکیں ماہ ءَ وھدیکہ 20واٹرسپلائی سکیمانی سرا کار ءِ بنگیجی گوزوکیں ماہ ءَ کنگ بیت۔
