اسلام آباد ۔ 12 اپریل (اے پی پی) وزیر درئی کار شاہ محمود قریشی ءَ ریٹائرڈ بوھوکیں سیکرٹری درئی کار تہمینہ جنجوعہ ءِ بے دروریں ازمت آنی رد ءَ آئی ءَ را توسیپ ءُُ ستا پیش کنان ءَ گوشت کہ تہمینہ جنجوعہ ھاسیں رنگ ءَ پاکستانی زالبول آنی واستہ یک درور ات، آ جوانیں سیکرٹری درئی کار ءِ بوتگ، پاکستان ءُُ ادارگ ءِ واستہ آئی ءِ ازمت مدام یات کنگ بنت۔ اے گپ آئی ءَ آدینگ ءِ روچ ءَ وزارت ءِ درئی کار ءَ سیکرٹری درئی کار تہمینہ جنجوعہ ءِ شرپ ءَ یک بروپہ ھیری مراگشے ءِ تہ ءَ گشتانک دیان ءَ کت۔ برو پہ ھیری دیوان ءِ تہ ءَ اسلام آباد ءِ استیں در ملکی سفیر ، وزارت ءِ درئی کار ءِ ٹوھیں کارندہ آں بھر زوری کت۔ سیکرٹری درئی کار تہمینہ جنجوعہ 14اپریل ءَ ریٹائرڈ بوھگی اِنت۔ آئی ءَ وتی سی30سالی کیریئر ءِ تہ ءَ ملک ءُُ راج ءِ واستہ بے مٹیں ازمت پیلو کنان ءَ زالبول آنی واستہ یک درور ءِ جوڑ کتگ۔ برو پہ ھیری دیوان ءَ گوں تہمہنہ جنجوعہ ءَ ھم گشتانک دات۔ آئی ءَ کمک ءِ رد ءَ وزیر ءِ درئی کار ءُُ وزارت ءِ شگر منت گپت ءُُ گوشت کہ ھرچی کہ کتگ آ ملک ءُُ راج ءِ سیت ءِ واستہ کتگ۔
