اسلام آباد۔ 24جنوری (اے پی پی) کوئٹہ تون اوار بلوچستان نا کیہی شار تیٹی موسلادھار پر، چمن اٹی گاڈی اسے دیر درسا اسہ بندغ اس تپاخت و 3ٹھپی مسر۔ نجی ٹی وی چینل نا رداٹ کوئٹہ و بلوچستان نا ایلو شارژوب، قلات، چمن، نوشکی و چاغی ٹی ہورہ و گروک اتون اوار پر و مش تیا برف باری نا چرجوئی برجاہ ئِ ہراڑآن یخ انا شدت اٹی ودکی آن پد خلقت نا مشکل آتیٹی بھاز ودکی مسنے۔ برساتی نالہ غاتیٹی دیر بننگ نا سوب کیہی علاقہ غاتیٹی دیر بس و چمن اٹی برساتی نالہ ٹی گاڈی اسے نا تمنگ آن اسہ بندغ اس تپاخت و مسٹ ٹھپی مسنو۔ صوبائی حکومت شاری تے غیر المی سفر کننگ آن توننگ نا پارت کرینے۔ محکمہ موسمیات نا رداٹ پر و برف باری نا چرجوئی بروک آ 24گھنٹہ اسکان برجاہ سلنگ نا گمان ئِ۔
