کوئٹہ۔ 12اپریل (اے پی پی) وزیراعظم نا خصوصی کمکار وپاکستان تحریک انصاف بلوچستان باسک صوبائی اسمبلی سردار یار محمد رند کوئٹہ نا سوزی منڈی ہزارگنجی ٹی دہشت گردی نا لغوری نا واقعہ نا ترند انگا لوز آتے ٹی مذمت ءِ کرسا پارینے کہ کودک خلقت نا جان آتون گوازی کروک آ دہشت گرد عنصرآک ہچ ءُ رعایت اسے نا حقدار افس حکومت و سیکورٹی فورس آک الس نا کمک اٹ دہشت گردی نا ناسور ءِ چٹفنہ۔ جمعہ نادے آ پاکستان تحریک انصاف بلوچستان نا سیکرٹریٹ آن جاری کروک تینا اسہ بیان اسے ٹی وزیراعظم نا خصوصی کمکار و پاکستان تحریک انصاف بلوچستان نا صدر باسک صوبائی اسمبلی سردار یار محمد رند دہشت گردی نا لغوری کارروائی ٹی انسانی جان تا زیان آ ڈکھ و است ہسونی نا درشانی ءِ کرسا پارے کہ غمزدہ خاہوت آتا غم اٹی بریبر نا شریک اُن دہشت گردی نا ناسور ءِ چٹفنگ کن الس و راج انا غٹ تپہ غاتا خلقت حکومت و سیکورٹی فورس آتون بایدے کمک کیر۔ اوشہید آتا درجہ غاتا بڑزی و ٹھپی تا زوت جان جوڑی کن دعا کرے۔
