کوئٹہ۔ 12اپریل (اے پی پی) صوبائی وزیر داخلہ میر ضیاء اللہ لانگو فروٹ منڈی ہزارگنجی دھماکہ نا ترند انگا لوز آتے ٹی مذمت ءِ کرسا شہید و ٹھپی مننگ آ است ہسونی و غم نا درشانی ءِ کرینے۔ اوپارے کہ دہشت گرد واک آک اصل اٹ انسانیت نا دشمن آک ءُ، ہراکودک و بے گناہ شاری تے نشانہ کننگ ءُ۔ اوپارے کہ دہشت گردی نا دا گندہ انگا حرکت آن قوم خوفزدہ مروک اُس اف۔ آخیریکو دہشت گرد انا چٹفنگ اسکان آرام اٹ تولپنہ دہشت گرد آتے اوفتا کروک نا سزا تننگک۔ اوپارے کہ دہشت گرد و ملک دشمن تا برخلاف جنگ ءِ پین ترند کننگک۔ صوبائی وزیر داخلہ پارت کرے کہ تعلقدار ادارہ غاتے دھماکہ ٹی ٹھپی مروک آ بندغ آتے ہروڑنا طبی آسراتی فراوان کننگے۔
