کوئٹہ۔ 12اپریل (اے پی پی) وزیراعلیٰ بلوچستان جام کمال خان نا کنڈآن پولیس و کانود نا فذ کروک آ ایلو ادارہ غاتے کوئٹہ تون اوار مچ آ صوبہ ٹی سیکورٹی گام گیج آتے پین سخت و گچین کننگ نا پارت۔ جمعہ نا نماز اٹی مسیت آتے کن فول پروف سیکورٹی بست و بند کننگے ۔ جمعہ نادے آ ترجمان وزیراعلیٰ سیکرٹریٹ آن جاری کروک بیان نا رداٹ جام کمال خان آئی جی پولیس ءِ پارت کرے کہ الس نا جان و مال انا رکھ ءِ ہرحال اٹ المی کننگے۔ وزیراعلیٰ بلوچستان جام کمال خان پارے کہ الس پرامن مرسا تینا صف آتے ٹی سیوت و سخا ءِ برجاتخر انتئے کہ مذہبی ہم آہنگی ، رواداری، یکجہتی و ایلمی ءِ مون آ دننگ و یکجا مرسا امن دشمن تا چم آتے بے سہب کننگ مریک۔
