اسلام آباد۔ 12اپریل (اے پی پی) بنجائی وزیر پٹرولیم غلام سرور خان کوئٹہ ٹی دھماکہ نا ترندی اٹ مذمت ءِ کرسا پارینے کہ ڈکھ انا ساہت اٹی تپاخت کروک آ بندغ آتا خاہوت تون سلوک اُن، دہشت گرد آک پاکستان نا امن ءِ بھس کننگ خوارہ۔ جمعہ نادے آ تینا ہڑزخواہی بیان اٹی اوپارے کہ پاکستان دہشت گردی نا برخلاف بے پناہ قربانی تس۔ دہشت گردی نا واقعہ غاک ننا ارادہ غاتے نزور کننگ کپسہ۔ غلام سرور خان پارے کہ غٹ مشکل آتیان پد ہم شونداری نا سفر برجاسلک۔ ملک آن آخیریکو دہشت گرد انا چٹفنگ اسکان آرام اٹ تولپنہ۔ اوپارے کہ اوپارے کہ مچ آ قوم دہشت گردی نا برخلاف بش مسنو۔
