اسلام آباد۔ 12اپریل (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری کوئٹہ ہزار گنجی سوزی منڈی ٹی مروک آ بمب دھماکہ نا ترندی اٹ مذمت ءِ کریر۔ اسپیکر و ڈپٹی اسپیکر نا دھماکہ ٹی مروک آ جانی نسخان تیا ڈکھ و است ہسونی نا درشانی ءِ کریر۔ اسپیکر و ڈپٹی اسپیکر نا پدسلوک آ خاہوت آتون ہمدردی و ٹھپی تا زوت جان جوڑی کن دعا ، کودک انسانی جان آتون داوڑکروک آک ملک و قوم انا دشمن ءُ، اسپیکرو ڈپٹی اسپیکر پارے کہ پاکستانی قوم دہشت گردی نا برخلاف یکجاءُ ، داوڑنا لغورانگا کارروائیک دہشت گردی نا برخلاف ننے عزم ءِ متزلزل کننگ کپسہ، اسپیکر و ڈپٹی اسپیکر تعلقدار کمامدارآتے ٹھپی تے گچین طبی آسراتی فراوان کننگ نا پارت کریر و پاریر کہ دھماکہ ٹی اوار عنصر آتے زوت کانود نا رداٹ سزاتننگک۔
