اسلام آباد۔ 12اپریل (اے پی پی) وزیر مملکت داخلہ شہریار خان آفریدی کوئٹہ ہزارگنجی ٹی بمب دھماکہ نا ترندی اٹ مذمت ءِ کرسا آئی جی بلوچستان آن واقعہ نا رپورٹ ءِ بٹنگانے۔ جمعہ نادے آ وزارت داخلہ نا کنڈآن جاری بیان نا رداٹ شہریار خان آفریدی پارے کہ دہشت گرد آک شکست کُننگ آن پد داسہ مسلمان تے بشخ وپانٹ کننگ نا چم آ عمل کننگ ءُ۔ اوپارے کہ نن فرقہ پرست دشمن نا قوم ءِ بشخ وپانٹ کننگ نا چم ءِ اسہ وار ولدا بے سہب کینہ۔ وزیر مملکت پارے کہ جمعہ نا مبارک انگا دے آ مسلمان تیا جلہو گیر اسُل مسلمان اس مننگ کپک۔
