اسلام آباد۔ 24جنوری (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام تیٹی داخلہ ڈویژن نا شونداری ڈٹ آتے کن جم وڑاٹ 8ارب 13کروڑ روپئی آن زیات نا فنڈجاری کرینے۔ حکومت اینخو مالی سال اٹی داخلہ ڈویژن نا شونداری پروگرام تے کن 11ارب 56کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب و کتاب نا رداٹ حکومت اسلام آباد اٹی دیر انا ترسیل کن اسہ کروڑ 49لکھ، کورنگ اٹی پول انا جوڑ جاڑ کن 10کروڑ، اسلام آباد اٹی ماڈل پولیس اسٹیشن و اصلاحات کن 28کروڑ، فرنٹیئر کور بلوچستان کن 80کروڑ، اسپیشل سیکورٹی ڈویژن ونگ اکن 21کروڑ، وزیرستان ایجنسی ٹی جوڑ جاڑی کاریم تے کن 40کروڑ روپئی، گلگت بلتستان اٹی ایف سی لین اکن 4کروڑ روپئی تون اوار کیہی شونداری ڈٹ آتے کن فنڈ جاری کرینے۔
