کوئٹہ۔ 12اپریل (اے پی پی) وزیراعلیٰ بلوچستان جام کمال خان کوئٹہ نا علاقہ ہزارگنجی ٹی بمب دھماکہ اٹ نہادی جان تا زیان آ دلی ڈکھ و است ہسونی نا درشانی ءِ کرسا پارینے کہ نن شہید آتا خاہوت آتا غم اٹی بریبر نا شریک اُن۔ داڑے جاری مروک آ اسہ بیان اسے ٹی وزیراعلیٰ پارے کہ انسانیت نا دشمن دہشت گرد آک ہچ ءُ رعایت اسے نا حقدار افس، واقعہ ٹی اوار عنصر آک و اوفتا سرکڑدہ غاتا برخلاف پورو واک اتون کارروائی کرسا اوفتے اوفتا کروک نا سزاتننگک۔ اوپارے کہ شدت پسند سوچ تخوک آ بندغ آک راج اکن ناسور اسے ءُ و اوفتا تدارک ءِ کننگ المیءِ۔ وزیراعلیٰ پارے کہ پرامن چاگڑد ءِ خراب کننگ نا چم آتے ننے اواری اٹ بے سہب کروئی مریک۔ وزیراعلیٰ جام کمال خان پارت کرے کہ ٹھپی تے درمان نا گچین آسراتی تننگے۔
