کوئٹہ۔ 12اپریل (اے پی پی) بلوچستان نا دارالحکومت کوئٹہ ٹی بمب دھماکہ ٹی سیکورٹی کارندہ سے تون اوار 16بندغ تپاخت کریر وخت اس کہ 30 بندغ ٹھپی مسر۔ ڈی آئی جی کوئٹہ عبدالرزاق چیمہ پارے کہ جمعہ نا سہب اتون کوئٹہ نا علاقہ ہزارگنجی ٹی واقع سبزی منڈی ٹی نادرست دہشت گرد آتا کنڈآن تخوک آ بمب دھماکہ اٹ ترخنگ اٹی ایف سی کارندہ سے تون اوار 16بندغ تپاخت کریر وخت اس کہ 30 بندغ ٹھپی مسر لاش وٹھپی تے سول ہسپتال کوئٹہ، بولان میڈیکل ہسپتال و شیخ زید النہیان میڈیکل کمپلیکس آ سرکننگا ، تپاخت کروک آتے ٹی ایف سی کارندہ لانس نائیک سعید، فیض اللہ ولد محمد جمعہ، محمد عیسیٰ ولد علی دریاب، خادم حسین ولد مرزا حسین، اختر ولد ہدایت اللہ، سعید اسماعیل ، خدائے نظر ولد محمد علی، سلمان علی ولد جعفر علی، حیات اللہ ولد حاجی محمد، نور جان ولد شیر محمد، اختر ولد ہدایت اللہ، علی دریاب ولد علی جان، اسد اللہ و ایلوفک اوار ءُ ٹھپی مروک آتے ٹی ایف سی کارندہ رقیب خان، منور ، غلام عباس، عمر شکور وخت اس کہ شاری تیٹی محمد عرفان، حیات اللہ، مصطفی ، وصل، فضل محمد، قاسم ، محمد فرحان ، رفیع اللہ، شوکت ، رمضان ، شعبان ، سید ابراہیم ، عبدالعزیز، شیر محمد، جلیل ، محمد سلیم، فیض اللہ، محمد شریف ولد جمعہ خان، حسین، محمد حسین ولد نور محمد، صدور ولد نور محمد، عبدالمنان ولد حاجی خدائے دوست ، علی خان ولد محب اللہ ، غلام رضا ولد حاجی نبی، عالم ولد علی حسن، میر افغان ولد غلام علی اوار ءُ۔ ڈی آئی جی پارے کہ تپاخت کروک آتے ٹی اسہ ایف سی کارندہ اس، 8 بندغ نا تعلق ہزارہ برادری و 7پین بندغ آک اوار ءُ۔ دھماکہ غان پد پولیس و ایف سی نا بھلو نفری اس موقع غا سرمس و امدادی کارروائی تا بناءِ کرے، بمب ڈسپوزل و پولیس نا عملہ واقعہ نا جاگہ غا ن شاہدی تے یکجا کننگ نا بناءِ کرینو۔ ڈی آئی جی عبدالرزاق چیمہ پارے کہ ہزارہ برادری آن تعلق تخوک آ بندغ آک سوزی ہلنگ کن سیکورٹی فورس آتا چاروکی ٹی سوزی منڈی آ بسوسر وسوزی ہلنگ اٹ اختہ ئسر کہ دہشت گردآک اوفتے بمب انا کمک اٹ نشانہ کریر۔
