اسلام آباد۔ 11 اپریل (اے پی پی) وزیر ءِ مملکت برائے توکی کار شہر یار آفریدی ءَ گوشت کہ پاکستان ءَ کانود مھکم انت، این جی اوز آناں کانود ءِ گولائی ءَ چست ءُُ ایر ءِ اجازت انت، کجام ھم این جی اوز آناں ملکی سلامتی ءُُ شرپ ءِ ڈگار جنگ ءِ چست ءُُ ایر ءَ نہ دیاں، زالبول ءِ شرپ ءُُ ازت اسلام ءِ بنیاتی زانشت ءِ بھر انت، اسلام ءَ زالبول آناں بے دروریں شرپ داتگ، مزن وزیر ءَ بنی آدم ءَ شرپ ءُُ ازت ءِ نیمگ ءَ ھاسیں دلگوشتی داتگ۔ چار شمبے ءِ روچ ءَ پولیس لائنز ھیڈ کوارٹرز ءَ جینڈر ایکوالٹی ءُُ زالبول آنی گس آنی توک ءَ لٹ ءُُ کٹ ءِ بن گپ ءِ سر ءَ سیمینار برجم دارگ بوت ایشی ءِ تہ ءَ وزیر ءِ مملکت برائے توکی کار شہر یار آفریدی ءُُ وزیر برائے بنی آدمی ھک شیریں مزاری ءَ بھر زوری کت۔ اے موہ ءَ گوں گشتانک دیان ءَ وزیر ءِ توکی کار شہر یار آفریدی ءَ گوشت کہ زالبول آنی شرپ ءُُ ازت اسلام ءِ بنیاتی زانشت ءِ بھر انت، ما نیک راھی زانشت آناں بے ھیال کتگ، ھمے سبب ءَ زالبول بے شرپ بوھگ ءَ انت۔ مزن وزیر ءَ بنی آدم آنی شرپ کنگ ءِ سر ءَ ھاسیں دلگوشی دات۔ آئی ءَ گوشت کہ گس آنی توک ءَ چائلڈ لیبر مئے کرا کرائم ءِ سما کنگ نہ بیت۔ ڈی آئی جی آپریشنز وقارالدین سید ءَ سیمینار ءَ گوں گشتانک دیان ءَ گوشت کہ وومن پولیس سٹیشن ءَ زھگ ءُُ زالبول آنی گوما بوھوکیں جرائم ءِ ھلاپ ءَ ایکشن زورگ بیت، 8090 لٹ ءُُ کٹ بوھوکیں زالبول آنی کمک ءِ واستہ نمبر گچین کنگ بوتگ، 7 پولیس سیٹیشنز ءَ جینڈر ڈیسک جوڑ کنگ بوتگ۔ 14تھانہ آنی تہ ءَ زالبول سٹاف آناں گچین کنگ بوتگ۔ آئی ءَ گوشت کہ اسلام آباد پولیس ءَ 300زالبول اپسرگ انت، سئے اے ایس پیز ھم ایشانی تہ ءَ ھوار انت، اے زالبولیں پولیس آنی جیڈھ آنی واستہ ھاسیں ڈیسک ھم برجا کنگ بوت۔
