اسلام آباد ۔ 11 اپریل (اے پی پی) بنجاھی وزیر اھوالکاری ءُُ شنگ کاری فواد حسین ءَ گوشت کہ شریف ھاندان ءِ مردم جیل ءَ نادُراھ بنت ءُُ ڈن ءَ در کپ اَنت ءُُ لندن ءَ تچ اَنت، کرپشن ءِ نشہ ءِ کنوکیں مریز سروک ءَ ایر کپگ ءَ پد آوانی بدن ھورت بیت، مزنیں میاں صاحب ءَ را سما بیت کہ جیل ءَ چہ ڈن در کپگ ءَ پد انجائنا ءِ درد ھلاس بیت، نوں راج ءُُ کانود اپوزیشن لیڈر ءِ واتری ءِ ودار ءَ کنگ ءَ انت، دعا انت کہ آ لندن ءَ نادراھ مہ بیت۔ پنچ شمبے ءِ روچ ءَ وتی بیان ءِ تہ ءَ بنجاھی وزیر چوہدری فواد حسین ءَ گوشت کہ شریف ھاندان ءِ مردم جیل ءِ روگ ءَ نادراھ بنت، لس بندی سسا کن اَنت کہ اگاں آ اپوزیشن لیڈر بہ بوت انت گڈا جیل ءَ نہ بوتگ اَنت، لس کیزی ءَ ر ایک ءِ دومیگ ءِ بیرک ءِ تہ ءَ روگ ءِ اجازت نیست ءُُ ایش لندن ءِ سیر ءُُ سواد ءَ کنگ ءَ آں۔ آئی ءَ گوشت کہ نوں راک ءُُ کانود اپوزیشن لیڈر ءِ واتری ءِ ودار ءَ کنگ ءَ انت، دعا انت کہ آ لندن ءَ نادُراھ مہ بیت، مزنیں میاں صاحب سما کنت کہ جیل ءَ چہ ڈن در کپگ ءَ پد انجائنا ءِ درد ھلاس بوتگ، اے سروکی ءَ چہ دست کش بوھگ ءِ انجانا نادُراھی انت، آئی ءِ سیاست پاکستان ءَ بلے زھگ ءُُ مال ڈن ءَ انت۔
