ڈیرہ مراد جمالی۔ 04مئی ( اے پی پی) بنجاہی وزیر مملکت ئُُ چیئر پر سن بینظیر انکم سپورٹ پروگرام بانک ماروی میمن ئَ گشتگ انت کہ رمضان المبارک ئَ پد بلوچستان ئِ سے ضلع نصیر آباد، کیچ ئُُ قلعہ سیف اللہ ئَ ھق دار زالبول آں بی آئی ایس پی ئِ دائرہ ئَ آرگ ئِ ھاتر ئَ نوکیں سروے بندات کنگ بیت۔ ھق دار زالبول آں رجسٹرڈ ئِ کار ئَ سرجمیں بہر گرگ ئَ اے پروگرام ئِثمر آں پائدگ بہ زور انت۔ اے ھیال آنی درشانی آئی ئَ چار شمبے ئَ ڈیرہ مراد جمالی بی آئی ایس پی ئِ کار گِس ئُُ گوٹھ غلام محمد سر پرہ منجھو شوری گوٹھ شوکت بنگلزئی ئَ ھق دار آنی بی آئی ایس پی ئِ ردا زیات ئَ چہ زیات پجارینگ ئُُ رابطہ ئِ حکمت عملی ئِ پروگرام ئ، سلسلہ ئَ زالبول آنی اجتماع ئَ تران کنگ ئَ کرتگ۔ آئی ئَ گشتگ کہ گوستگیں وھد ئَ بی آئی ایس پی ئِ بلوچستان ئَ بوﺅکیں سروے اے پڑ ئَ نہ بوتگ آئی ئَ بوھگی ات اے تاوان ئِ ھلاسی ئِ ھاتر ئَ نوکیں رجسٹریشن کنگ بیت کہ آ اے پروگرام ئِ اول ئَ چہ پائدگ زورگ ئَ انت۔ آئی ئَ گشتگ کہ بلوچستان ئِ بکھری آباتی ئَ تالان ھلک آں موبلائزیشن ئُُ زالبول آں معاشی وڑ ئَ محکم کنگ ئِ ضلورت انت۔ ھستیں اُلس دوست حکومت ئَ زالبول آں معاشی وڑ ئَ محکم کنگ ئِ ھاتر ئَ بی آئی ایس پی ئِ ردا سرجمیں پروگرام بندات کرتگ انت۔ مزن وزیر محمد نواز شریف ئِ پنت ئُُ شون ئَ اے پروگرام ئِ دائرہ کار زیات ئَ چہ زیات ھق دار زالبول آں دراج کنگ ئِ ھاتر ئَ گام گیج زورگ ئَ انت مزن وزیر ئِ پنت ئُُ شون ئِ سرا دوریں دمگ آں ھق دار زالبول آں روگ ئَ پروگرام ئِ اثر آھانی در ئَ سر کنگ ئَ انت۔ آئی ئَ گشتگ کہ مزن وزیر ئَ پنت ئُُ شون برجاہ کرتگ انتکہ گریب ئُُ ھق دار آں آھانی حق ضلورت رسگ لوٹیت۔
