اسلام آباد۔ 11اپریل (اے پی پی) بنجائی وزیر ریلوے شیخ رشید احمد پارینے کہ ریلوے گالف کلب کیس 20 سال آن پد ایسر مریک ۔ پنچ شنبے نادے آ داڑے سپریم کورٹ اٹی ریلوے گالف کلب کیس انا سماعت آن پد میڈیا تون گپ و تران کرسا بنجائی وزیر پارے کہ اینو اہم ءُ کیس اس ئس ہرانا سماعت پورو مننگ آن پد کیس انا فیصلہ ءِ ڈک کننگانے، دا کیس 20 سال آن پد ایسر اسکان سرمریک، ننے اومیت ءِ کہ دامعاملہ ٹی انصاف آ مبنی فیصلہ اس بریک ہراڑان ریلوے نا نسخان کم مریک۔ اسہ سوج اسے آ بنجائی وزیر پارے کہ جہانی کمپنیک گالف کلب نا ڈغار ءِ لیز آ ہلنگ خوارہ ہراڑان فائدہ ہرفنگ نا گرج ءِ۔
