اسلام آباد۔ 11اپریل (اے پی پی)وزیراعظم نا خصوصی کمکار پٹرولیم و دیر و بجلی سردار یار محمد رند بنجائی وزیر پٹرولیم غلام سرور خان تون پنچ شنبے نادے آ داڑے اوڑدہی کرے و پٹرولیم مصنوعات آتون اوار گیس انا بشخ انا بابت معاملہ غاتیا گپ و تران کرے۔ خصوصی کمکار بنجائی وزیر پٹرولیم ءِ باوری کرفے کہ او تیل و گیس انا بشخ خاص کر پٹرولیم مصنوعات آتا بابت وزیراعظم عمران خان نا وژن آ عمل کننگ ءِ۔ اوپاکستان اٹی تیل و گیس انا بشخ اٹی جہانی شہریت یافتہ کمپنی تا است خواہی و بھلو زرکاری اسے بنجائی وزیر پٹرولیم غلام سرور خان نا سرسہبی گوندا۔ تیل و گیس انا سمندر اٹی پٹنگ نا بابت نیک است خواہی تا درشانی ءِ ہم کرے۔ بنجائی وزیر پٹرولیم پارے کہ وزیراعظم عمران خان نا وژن ءِ عملی دروشم اس تننگ کن شونداری نا سفر برجاسلک۔
