سیوتی فورس آتا پت انا درشان
اسلام آباد۔ 11اپریل (اے پی پی) پاک بحریہ کثیر القومی ٹاسک فورس۔150نا کمانڈءِ سنبھالا، پاک بحریہ نا کموڈور علویر احمد نور کثیر القومی ٹاسک فورس 150 نا پوسکن آ کمانڈر تعینات مریک۔ ترجمان پاک بحریہ نا رداٹ پاک بحریہ ءِ یانزدمی وار کثیر القومی ٹاسک فورس 150 نا کمانڈ ءِ تننگا۔ کمانڈ بدلی نا دود بحرین اٹی واقع ہیڈ کوارٹرز یو ایس نیو سینٹ اٹی اڈ ہلک۔ دود آن تران کرسا کموڈور علویر احمد نور پارے کہ ڈیہہ ٹی امن و سوگوی نا چرجوئی ٹی پاک بحریہ نا عزم صمیم نا سوب پاک بحریہ و سیوتی بحری فوج انا نیام اٹ تعلقداریک پدریسہ سوگو مننگ ءُ۔ کمبائنڈ ٹاسک فورس۔150 کمبائنڈ میری ٹائم فورسز (سی ایم ایف) نا چاروکی ٹی تینا فرض ءِ انجام تننگ ءِ ، کمبائنڈ میری ٹائم فورسز میری ٹائم سیکورٹی ، بحری قزاقی و سمندر اٹی دہشت گردی نا توننگ ءِ المی جوڑ کیک۔ کمبائنڈ ٹاسک فورس۔150 اسہ کثیر القومی سیوت اسے ہرا سمندر اٹی میری ٹائم سکیورٹی کن آپریشن سرانجام ایتک۔ کمبائنڈ ٹاسک فورس۔150نا کمانڈ نا پاکستان ءِ یانزدہ می وار تننگ سیوتی فورس آتا پاکستان نیوی نا کسبی لائخی و چاہنداری تیا پت انا درشان ءِ۔
