اسلام آباد۔ 11اپریل (اے پی پی) وزیر خارجہ شاہ محمود قریشی پنچ شنبے نادے آ وزارت خارجہ نا قونصلر آفس نا اناگت دورہ ءِ کرے و قونصلر آفس اٹی کاغد آتا پک کننگ کن بروک آ سائل آتتون ملا۔ وزیر خارجہ ہموڑے ساڑی سائل آتیان اوفتا ویل آتا بارواٹ ہریفے و ہمووخت آ پرمان جاری کرے۔ وزیر خارجہ قونصلر آفس نا چندی بشخ آتا معائنہ ءِ کرے و آفیسر آتیان کاریم نا بارواٹ سوج کرے۔ وزیر خارجہ داوخت آ گپ و تران کرسا پارے کہ اناگت دورہ نا مسخت سائل آتا ویل آتیان معلومداری دوئی کروئی ئسک۔ اوپارے کہ کنے خوشی ءِ کہ اسہ بندغ اس ہم آفیسر آتا رویہ و وڈی خوری نا غاو تتنے۔ نن الس نا آسراتی کن زوت پین گام گیج کینہ۔
