اسلام آباد ۔ 10 اپریل (اے پی پی) صدر مملکت ڈاکٹر عارف علوی ءَ گوشت کہ حکومت بیئپاری ماحول ءَ را گہتر کنگ ءِ ھاترا گامگیج ءَ زورگ انت۔ درآمدات ءِ تہ کمی ءُُ برآمدات ءِ تہ ودکی حکومت ءِ اولی دلگوشی انت۔آہاں اے گپ چار شمبے ءَ سرحد چیمبر آف کامرس اینڈ انڈسٹری ءِ ڈل ءِ گوما گپ ءُُ تران کنان ءَ کوشت ات۔آہاں گوشت کہ حکومت بیئپاری براتری ءِ جیڈھاں چہ سرپد انت ءُُ ایشانی گیشینگ ءَ پہ ہرممکن کوشست ءَ کنگ انت۔آہاں گوشت کہ درآمدات ءِ تہ کمی ءُُ برآمدات ءِ تہ ودکی حکومت ءِ اولی دلگوشی انت۔آہاں گوشت کہ پاکستان ءِ دیمروئی جندی ءُُ سرکاری ادارگہانی کمک ءَ گوں بندوک انت، بجٹ خسارہ ءَ را ھلاس کنگ ءِ ھاترا ٹیکس نیٹ ءَ را گیش کنگ بیت۔ صدر مملکتءَ گوشت کہ اوگانستان ءِ تہ امن ءُُ ایمنی چہ پاکستان ءُُ اوگانستان ءِ میان ءَ بیئپاری رھوت ءَ ودکی کائیت۔ایشی چہ سرحد چیمبر آف کامرسءُُ انڈسٹری ءَ را ھاسیں پائدگ بہ بیت۔آہاں گوشت کہ پشاور ۔طورخم ریلوے ءِ زوتاں زوت بحالی ءِ ھاترا ہرممکن کوشست کنگ بیت۔آہاں گوشت کہ طورخم بارڈر ءِ سرا پاکستان ءُُ اوگانستان ءِ میان ءَ بہئپاری آھگ روگ ءَ را سہلءُُ ترند جوڈ کنگ ءِ ھاترا گام گیج زورگ بوھگ انت۔
