اسلام آباد ۔ 10 اپریل (اے پی پی) بنجاہی وزیر ھالرسانی ءُ شنگکاری چوہدری فواد حسین ءَ گوشت کہ بھارتی گچینکاری ءِ پدا ہمہ کہ گل حاکمی ءَ کائیت آئی ءَ گوں پاکستان گپ ءُُ تران ءَ را دیما بارت۔ پاکستان کرتار پور راہداری ءَ را ایکٹوکنگ ءِ ھاترا وتی ہرممکن کوشست کن ایت۔چار شمبے ءَ بنجاہی وزیر ھالرسانی چوہدری فواد حسین ءَ بھارتی روتاک’’ہندوستان ٹائمز‘‘ ءَ را انٹرویودیان ءَ گوشت کہ بھارتی گچینکاری ءِ بھر سرجم بوھگ ءِ پدا پاکستان ءُ بھارت ءِ گوما گپ ءُُ ترا کنگ ءَ پہ ساجو انت، بھارتی گچینکاری ءِ پدا ہمہ کہ پارٹی حاکمی ءَ کائیت آئی ءَ گوں گپ ءُُ تران ءَ را دیما برگ بیت۔آہاں گوشت کہ پلوامہ اُرش ءِ پدا ودی بوتگیں جاورھال ءَ خطہ ءِ مفاد ءِ تہ نیست انت ،پاکستان کرتار پور راہداری ءَ را ایکٹو کنگ ءِ ہر ممکن کوشست کن ایت۔آہاں گوشت کہ پاکستان ءَ بھارت ءِ برعکس جنگی ماحول ءِ تہ باز زمہ واری ءِ درشان کتگ، پاکستان ءَ جوزگ ھیرسگالی ءِ وڈ ءَ بھارتی پائلٹ ءَ را یلہ داتگ ات۔ھالرسانی ءِ وزیر ءَ گوشت کہ حکومت پاکستان خطہ ءِ تہ امن ءِ واھگدار انت ءُُ اے ھوالہ چہ عملی گامگیج ھم زورگ بوھگ انت۔
