اسلام آباد ۔ 10 اپریل (اے پی پی) مزن وزیر عمران خان ءَ گوشت کہ کشمیر ءِ کشاں چیل بھارت ءِ گوما ایمنی پڑ ءِ ھاترا بے درور انت۔ کشمیر ءِ جیڈھ المی انت، اے جیڈھ ءَ را نیم راھ ءَ یل نہ کناں، کشمیر ءَ ھرچی بوھگ ءَ انت کہ آ آھودے مردم آنی ردعمل اِنت۔ آئی ءَ اے ھیالانی درشانی برطانوی ھال رسانکی ادارگ بی بی سی ءَ را گلگدار دیان ءَ کت۔ مزن وزیر عمران خان ءَ گوشت کہ ٹوھیں وتاس سلاھ بندیں ھمساھگ آنی گوما ایوک ءَ سول ءُُ تران ءِ وسیلگ ءَ گیوار کت کناں۔ بی بی سی ءِ نماھندگ ءَ عمران خان ءَ چہ جست گپت کہ آ اے موہ ءِ سر ءَ بھارت ءِ مزن وزیر نریندر مودی ءَ را چے کلوہ دیگ لوٹ ایت گڈا مزن وزیر ءَ گوشت کہ کشمیر ءِ جیڈھ گیوار کنگ لوٹ ایت ءُُ اے جیڈھ ءَ را نیام ءَ یل کنگ نہ بیت۔ مزن وزیر ءَ دوئیں ملک آنی نیام ءَ کشاں چیل ءِ بیم ءِ بابت ءَ وتی بیم آنی درشان ءَ گوشت کہ وھد ءِ تو پسو کن ئے گڈا اے گپ ءَ را کس پشوکی گوشت نہ کنت کہ ایش تان کجا سر بیت کنت۔ اگاں بھارت ءَ پاکستان ءِ سر ءَ دووارگ ارش بکت انت گڈا پاکستان ءِ کراّ پسو دیگ ءَ ابید اچ موہ نیست ات۔ یک جستے ءِ پسو ءَ آئی ءَ گوشت کہ ما پیسر ءَ چہ ناشرکاریں گل آناں جنگ ءُُ پروشگ ءَ آں۔ اے جنگولیں ٹولیگ آنی اولی رند ءَ ھوش ءُُ اکل ءِ سر ءِ کوشست انت۔ مزن وزیر ءَ گوشت کہ ما آوانی ھلاپ ءَ کاروائی کنگ ءِ جزم ءَ دار آں چیان کہ اے پاکستان ءِ آیوکیں باندات ءِ واستہ انت۔ مزن وزیر ءَ گوشت کہ اے بابت ءَ ڈن ءَ چہ اچ رنگیں زور پر نیست چیا کہ مئے سیت ءِ ھاترا انت ادا اچ ناشرکار نیست انت۔ مزن وزیر عمران خان ءَ آسیہ بی بی ءِ بابت ءَ یک جستے ءِ پسو ءَ گوشت کہ سپریم کورٹ ءِ نیمگ ءَ نیک راھ ءَ را بے شرپ کنگ ءِ بھتام ءِ رد ءَ آسیہ بی بی زوت پاکستان ءَ یل کنت روت۔ آئی ءَ دل یکیمی دات کہ آسیہ بی بی جوان ءُُ سلامت اِنت ءُُ آ آیوکیں ھپتگ آنی تہ ءَ پاکستان ءَ یل کنت روت۔
