اسلام آباد ۔ 10 اپریل (اے پی پی) صدر مملکت ڈاکٹر عارف علوی ءَ گوشت کہ پاکستان ءُُ کزاکستان ءِ نیام ءَ ھمگونگیں یکیم، دود ءُُ ربیدگی مڈی است انت پدا ھم دوئیں ملک آنی نیام ءَ وت مہ وتی تجارت گواچنی ازمکاری ءَ گوں بندوک انت، ایشی ءِ تہ ءَ گیش گیشی ءِ ضلورت انت۔ آئی ءَ اے گپ کزاکستان ءِ سفیر بارلیبے صدیقوف ءَ گوں تران ءِ ساھت ءَ کت آئی ءَ چار شمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ صدر ءَ کزاکستان ءِ مارکیٹ آنی تہ ءَ پاکستانی چیز آنی پجگ ءِ سر ءَ زور دیان ءَ وردن ءُُ وراک پراسیسنگ، ٹیکسٹائل، مشینری، ساز ءُُ سامان ءِ وڑیں شوبگ ءِ تہ ءَ کمک ءُُ یکجائی منصوبگ آنی امیت ءِ پٹ ءُُ پول ءِ ضلورت ءَ را سہرا کت۔ آئی ءَ گوشت کہ کزاکستان ءَ ٹیل ءُُ گیس ءِ مزنیں کساس ءَ استی ءِ رد ءَ پاکستان ءِ سرکاری کمپنی کزاکستان ءِ آئل ءُُ گیس ءِ شوبگ ءَ سرمایہ کاری کت کنت۔ ڈاکٹر عارف علوی ءَ دوئیں ملک آنی نیام ءَ بالی ءُُ زمینی رابطہ ءَ را گیش کنگ ءِ سر ءَ زور پر دات چیا کہ پاکستان نوکیں گوادر دکہ ءِ وسیلگ ءَ کزاکستان ءِ کسانوکیں کشک ءَ پجارین ایت۔ صدر ءَ گوشت کہ پاکستان کزاکستان ءَ ھوار 175ملک آناں ای ویزہ آسراتی پجارینگ ءَ انت۔ کزاکستان ھم پاکستانی سیل ءُُ سواد ءُُ کاروباری مردم آنی واستہ ویزہ ءِ کار ءَ را آسان جوڑ کنگ ءِ سر ءَ چار ءُُ بچار بکنت۔
