اسلام آباد ۔ 10 اپریل (اے پی پی) صدر مملکت ڈاکٹر عارف علوی ءَ ترک ایئرفورس ءِ کمانڈر جنرل حسن کچیکاکیاز ءَ رانشان امتیاز ملٹری عطا کتگ انت۔اے درگت ءَ چار شمبے ءَ ادا ایوان صدر ءِ تہ ایوارڈ دیگ ءِ ھاسیں مراگش برجم دارگ بوتگ۔پدا ترک فضائیہ ءِ کمانڈر ءَ صدر مملکت ءِ گوما گند ءُُ نند کت ایشی ءِ تہ صدر مملکت ءَ آئی ءَ را مرادبات دیان ءَ گوشت کہ پاکستان ءُُ ترکی ءِ میان ءَ مزنیں براتی ءِ سیادی انت۔دوئیں ملک یکجاھیں ربیدگیءُُ مذہبی ورثہ ءِ حامل انت ءُُ نوں اے دوئیں ملکانی میان ءَ سوگو ءِ تزویراتی شراکت داری ھم ساڑی انت۔آہاں گوشت کہ پاکستان ءُُ ترکی ءَ گرانیں وھد ءَ یک دومیگ ءِ گوما کمک کتگ۔ صدر مملکت ءَ بھارتءَ گوں حالی ءِ جیڈھ ءِ ساعت ءَ پاکستان ءِ ھاترا ترکیءِ پلہ مرزی ءَ را ساڑاتگ۔آہاں گوشت کہ مئے دفاعی
کمک یکشلہ مزن تکءِ مٹ ءُُ سٹ ءِ آسرءَ گیش مھکم بوتگ۔صدر ءَ گوشت کہ مارءَ اے تک ءِ تہ وتی سیادی ءَ را گیش مھکم جوڈ کنگ ءِ موہ پولگی انت۔آہاں 23مارچ ءَ یوم پاکستان ءِ درگت ءَ فضائی شو ءِ تہ ترک ایئرفورس “سولو ترک” ایف 16 ٹیمب ءِ بھرزوری ءِ ستا کتگ۔آہاں گوشت کہ اے درگت ءَ مزن وزیر پاکستان ءِ ترکی ءِ تروتاب ءِ ساعت ءَ تجویز کردہ سٹیرٹیجک فریم ورک (ایس ای ایف) دوئیں ملکانی میان ءَ اقتصادی ملکانی میان ءَ اقتصادی ءُُ بیئپاری کمک گیش کنگ ءِ ھاترا ارزشت ءِ حامل انت۔
