اسلام آباد ۔ 10 اپریل (اے پی پی) دری کارانی وزیر شاہ محمود قریشی ءَ گوشت کہ جنوبی ایشیا ءِ تہ جیڈھانی حل ءِ ھاترا چہ پائیدار تذویراتی استحکام ہڈ دیگ بہ بیت۔جنوبی ایشیاءِ تہ تذویراتی استحکام مستریں میاں اوستمانی تاگت آنی زمہ واری انت، پاکستان خطہ ءِ تہ روایتی ءُُ ایٹمی وتاس آنی تچگ ءِ ھلاپ انت۔بھارت ءِ نیمگا چہ ایٹمی آبدوزانی ھوار مزنیں کچ ءَ وتاس ءِ بہا زورگ ءَ چہ پاکستان ءِ سلامتی ءَ را ھطرہ لاحق انت۔نیوکلیئر سپلائرز گروپ ءِ امتیازی سلوک چہ خطہ ءِ تہ سٹریٹجک استحکام سرا منفی اثرات کپ انت۔ پاکستان ءِ ھلاپ ءَ حالیگیں بھارتی جارحیت خطہ ءِ تہ استحکام ءَ را دیم ھطرہانی پدر ءِ ثبوت انت۔ پاکستان یک امن پسندیں ملک انت بلے کجام جارحیت ءِ دیم پروشت ءِ پسو دیگ ءِ سرجم ءِ صلاحیت دار انت۔چار شمبے ءَ ادا ’جنوبی ایشیاءِ تہ تذویراتی استحکام‘ءِ باروا کانفرنس ءَ گوں تران کنان ءَ دری کارانی وزیر ءَ گوشت کہ پاکستان یک زمہ وارءِ ایٹمی ملک ءُُ خطہ ءِ تہ روایتی ءُُ غیر روایتی وتاس ءِ تچگ ءِ باروا کانفرنس ءَ گوں تران کنان ءَ دری کارانی وزیر ءَ گوشت کہ پاکستان یک امن پسندیں ملک انت ءُُ امن ءُُ ایمنی ءِ ھاترا جزم دار انت۔آہاں گوشت کہ جنوبی ایشیا ءِ تہ جیڈھانی حل ءَ چہ پی پائیدار تذویراتی استحکام ہڈ دیگ بہ بیت۔بلے کشمیر ءِ جیڈھ ءِ حل خطہ ءِ تہ دراج وھدیں امن ءِ ضمانت انت،دری کارانی وزیر ءَ گوشت کہ پاکستان ءُُ بھارت ءَ را مہلوک ءِ چاگردی ءُُ اقتصادی دیمروئی ءِ ھاترا کار کنگ ءِ ضلورت انت۔آہاں پدر کتگ کہ دوئیں ملکانی میان ءَ گپ ءُُ تران ءَ گوں دراھیں معاملاہاں را حل کنگ بنت۔آہاں گوشت کہ اے درگت ءَ پاکستان میان اوستمانی تاگت آنی ھوار دگہ ملکاں چہ ھم زمہ واری تب ءِ واھگدار انت۔
