پاکستان ماں اوگانستان ءَ ہوار خطہ ءَ امنءُ ایمنی جوڑ کنگءَ وتی کردءَ پیلو کنت
اسلام آباد۔10اپریل (اے پی پی) دری کارانی وزیر شاہ محمود قریشی ءَ گشتگ کہ پاکستان ماں اوگانستانءَ ہوار سرجمیں خطہ ءَ امنءُ ایمنی جوڑ کنگءَ وتی کر دءَ پیلو کنت۔ اے گپ آئی ءَ پاکستانءَ نوک جوڑ بوتگیں اوگان سفیر مشال عاطف ءَ گوں گپءُ تران کنانءَ کتگ کہ آہاں چارشمبے ءِ روچءَ دری کارانی وزارت ءَ یکے دومی ءَ گوں گندءُ نند کتگ۔ گپءُ تران ءِ وہدءَ اوگانستان ءِ جاورحال حاس اوگان مفاہمتی عمل ءِ سرءَ حیالءُ لیکہ ءِ درشانی کنگ بوتگ۔ اوگان سفیر ءَ دمگی امنءُ ایمنی حاس اوگانستان ءَ امنءُ ایمنی ءُ محکمی ءِ ھاترءَ پاکستانءِ کردءُ کوشستاناں ساڑاتگ۔ دری کارانی وزیر ءَ اے موہءَ گشتگ کہ پاکستان اوگانستانءَ ہوار سرجمیں خطہءَ امنءُ ایمنی جوڑ کنگءَ وتی کردءَ دائمءَ پیلو کنت۔ دری کارانی وزیر مخدوم شاہ محمود قریشی ءَ اوگان سفیر ءِ ھاترءَ نیکیں واہشت ءِ درشانی کتگءُ پاکستانءَ سفیر بوہگءَ وش اَتک کتگ۔
