اسلام آباد۔9اپریل (اے پی پی) صدر ڈاکٹر علوی ءَ گشتگ کہ پاکستان بحرین ءِ گوما وتی براتیں سیادی ءَ باز ارزشت دنتءُ درائیں پڑاں اے سیادیاں گیش کنگءِ واہشت مند اِنت۔ صدرءَ اے حیالانی درشانی بحرین ءِ دری کارانی وزیر شیخ خالد بن محمد الخلیفہ ءَ گوں گپءُ تران کنانءَ کتگ کہ آہاں سئے شمبے ءِ روچءَ ایوان صدرءَ یکے دومی ءَ گوں گندءُ نندکتگ۔ صدرءَ گشتگ کہ پاکستان ءُ بحرین ءِ نیامءَ نزیکیں ءُ جوانیں براتیں سیادی اَست ءُ دوئیں ملک آنی یک وڑیں دودءُ ربیدگ ءُ راجی میراث دوئیں ملک آں یکے دومی ءَ گوں بندوک کنت۔ آئیءَ گشتگ کہ دوئیں ملک آنی نیامءَ دونیمگی سیادی ءَ را گیش کنگءِ موہ اَست۔ صدرءَ پاکستان ءِ ہنر مندیں مردما ناں بحرین ءَ روزگار دیئگءِ سرءَ زورپرداتگ۔ بحرین ءِ دری کارانی وزیر ءَ گشتگ کہ کنگ حماد بن عیسیٰ الخلیفہ پاکستان ءَ گوں سیادی ءَ را گیش محکم کنگءِ واہشت مند اِنت۔
