اسلام آباد ۔ 9 اپریل (اے پی پی) دری کارانی بنجاہی وزیر شاہ محمود قریشی ءَ گوشت کہ پاکستان جاپان ءِ گوما وتی دودیمی سیادیاں را شرپے چماں چارگ انت ۔اے گپ آہاں پاکستان ءِ تہ جاپان ءِ سفیر کونینورو مٹسودا ءِ گوما گپ ءُُ تران کنان ءَ گوشت ات آئی ءَ سئے شمبے ءَ ادا دری کارانی کارگس ءِ تہ گند ءُُ نند کتگ۔ربالکار ڈنی کارگس ڈاکٹر فیصل ءِ گوشگ ءِ ردا گند ءُُ نند ءِ تہ پاکستان ءُُ جاپان ءِ میان ءَ دودیمی سیادیانی ھوار وت مہ وتی دلچسپی ءِ معاملہانی سرا ھیال ریچی کنگ بوتگ۔فریقاں پاکستان ءُُ جاپان ءِ میان ءَ پراھ بیوکیں دودیمی سیادی ءِ سرا تسلہ ءِ درشان کتگ۔دری کارانی کارگس ءَ اے درگت ءَ گوشت کہ پاکستان جاپان ءِ گوما وتی دودیمی سیادی ءَ را شرپے چماں چارگ انت۔جاپان پاکستان ءِ بنیاتی اقتصادی شراکت دار انت،دری کارانی وزیر ءَ گوشت کہ جاپان ،کثیرالجہتی تک ءِ تہ پاکستان ءِ تعمیر ءُُ ترقی ءِ تہ کمک کنان ءَ آھگ انت۔دری کارانی وزیر ءَ پاکستان ءُُ جاپان ءِ میان ءَ اقتصادی سیادی ءَ را گیش مھکم جوڈ کنگ ءِ سرا زور داتگ۔جاپانی سفیر ءَ 22، 23اپریل 2019 ءَ جاپانی دری کارانی وزیر تارو کونو ءِ ھاسیں دعوت ءِ سرا دری کارانی وزیرشاہ محمود قریشی ءِ متوقع جاپان ءِ تروتاب ءِ ھوالہ چہ ھم ھیال ریچی کتگ۔ جاپانی سفیر ءَ گوشت کہ دری کارانی بنجاہی وزیر شاہ محمود قریشی ءِ تروتاب چہ دوئیں ملکانی میان ءَ دودیمی سیادی گیش مھکم بنت۔
